Праклён ляжыць і памнажаецца на ўсіх народах з-за непаслушэнства Богу (Быц 3:17; Друг 27:15-26; 2Летапіс 7:13-14; Ерам 26:1-6; Плач Ерам 5:7; Езэк 36:17-28; Зах 13:2). Законы пракляцьцяў і дабраславеньняў, пакараньняў і ўзнагародаў дзейнічаюць як на асобных людзей, так і на народы. Многія краіны сталі на шлях уратаваньня, але ў некаторых важных пытаньнях яны застаюцца яшчэ паганьскімі. Асабліва ў палітычнай сьферы, бо парушаюць Боскую мадэль канстытуцыйнае парлямэнцкае рэспублікі, пакідаючы ў сваіх палітычных мадэлях грамадзтва такія важныя элементы паганскіх манархіяў, як інстытут прэзідэнцтва (імпэратара, генэральнага сакратара, караля…) і імпэрыі. Бо ў манархіях не застаецца месца для Бога і Ягоных законаў, якія Ён даў народам праз Майсея і Хрыста. У манархіях узмацняецца грахоўная тэндэнцыя пакланяцца кумірам і ідалам - манархам і самім манархіям, пасягаць на ўладу Бога і іншыя галіны ўлады, ствараць мілітарысцкія, атэістычныя, імпэрскія і іншыя паганскія помнікі і геаграфічныя назвы, павялічваць выдаткі на войскі і іхнюю колькасьць для абароны ўзурпаванае ўлады манархаў, для змаганьня супроць свайго народу і для акупацыі іньшых народаў. Гэта ўсё выклікае гнеў Боскі, памнажае не толькі Боскія пракляцьцьці, але і пракляцьці прыгнечаных і пакрыўджаных людзей і народаў, з Боскімі пакараньнямі на народы праз прыродныя катаклізмы, акупацыю іншымі народамі, тыранію дыктатараў, хваробы і галечу. Таму, каб зьменьшыць пракляцьцьці і пакараньні, трэба каіцца ў парушэньнях Божае волі і Ягоных законаў і імкнуцца да Божае мадэлі грамадства - Канстытуцыйная парлямэнцкае рэспубліцы, якая была створаная ў Юдэі раней за грэцкую дэмакратыю на 300 гадоў (Друг 27:15-26; 1Цар 3:13; Высл 3:33; Ерам 17-19, 23:2, 23:34, 25:12, 27:8; Лев 26:18, Іс 24:5-22; Ян 7:49).

Пасьля развалу паганскае д’яблавае імпэрыі СССР прайшло больш за 20 гадоў, але моцныя праклёны і пакараньні ўсё яшчэ ляжаць на Беларусі і на іншых посткамуністычных краінах (Сыход 20:7; Плач Ераміі 5:7). Чаму? Як ад іх пазбавіцца? Адказы на гэтыя пытаньні можна знайсьці на гэтым сайце!

Як і любы айцец, Бог любіць, калі зь Ім размаўляюць Ягоныя дзеці, калі Яго просяць і давяраюць Яму свае справы, шукаюць Ягонае волі праз малітвы, пропаведзі ў царкве і ў Бібліі, дзякуюць і хваляць Яго. Таму на сайце разьмешчаныя Біблія, псальмы і малітва.

У Царстве Хрыста будзе мноства народаў, якія будуць Яго хваліць на розных мовах (Адкр 7:9-10). На жаль, большасьць насельніцтва на Беларусі, у т. л. сьвятары і чыноўнікі не выконваюць Божую волю па выкарыстоўваньні нацыянальнае мовы, а карыстаюцца бабілёнскае, хоць пасьля скасаваньня д’яблавае імпэрскае манархіі СССР прайшло больш за 20 гадоў! Хаця яны ведаюць, што любое непадпарадкаваньне волі Айца нябеснага прыводзе да пракляцьцяў на народ! Многія сьвятары нават утойваюць існаваньне зборніка “Гімны хрысьціянаў” з 604 сьпевамі па-беларуску! Таму на сайце зьмешчана больш за 1000 псальмаў, вершаў і гімнаў на беларускае мове на розныя біблейскія і царкоўныя тэмы.

Большасьць людзей складаюць пропаведзі, малітвы, вершы, музыку, каб прапаведваць збавеньне праз Хрыста і хваліць Госпада. На сайце ёсьць некалькі дзесяткаў твораў Божае хвалы і сюжэтаў з Бібліі праз іншы жанр – выяўленчае мастацтва. Але гэта не пісаньне абразоў, у якім можа паўдзельнічаць любы тэхнар, нават ня веруючы! На сайце зьмешчаныя карціны, напісаныя Духам Сьвятым, Які вадзіў па палотнах пэндзалем прарока мастака Лявона Грышука, сябра саюза мастакоў Беларусі і суполкі Пагоня, удзельніка некалькіх выставаў у Беларусі і за мяжой. Прысьвячаць Госпаду свае творы ён пачаў пасьля таго, як пакаіўся ў грахох і прыняў Хрыста сваім збаўцам і Госпадам. Мастак не можа не хваліць Бога, дзякуючы Якому мастак жыве і духоўна і фізычна. Бо ўсе яго паплечнікі ліквідатары аварыі на Чарнобыльскае АЭС ужо памёрлі, а ён працягвае сваю місыю на зямлі – праз унікальны мастацкі стыль, дадзены толькі яму: праз мастацкія вобразы прапаведваць Эвангельле і ратаваць душы ад гахоўнага рабства. Ёсьць у яго і творы з нацыянальнымі краявідамі, якія можна набыць. А яшчэ лепш – дапамагчы арганізаваць выставы на Беларусі і ў іншых краінах, каб болей людзей магло ўбачыць гэтыя арыгінальныя творы…

Малітва і артыкул аб тэалягінае дэмакратыі складзеныя ў адпаведнасьці з воляй і Словам Божым, што дае магчымасьць кожнаму арыентавацца на старонках Бібліі і выкарыстоўваць яе ў практычным жыцьці. Кожны, хто прачытае іх, буде ведаць тыя правы і абавязкі, якія Бог даў грамадзянам і начальству. Гэта дапаможа дзейнічаць адпаведна Божае волі ва ўсіх сьферах жыцьця. Тады абавязкова прыдуць Божыя дабраславеньні народам па ўсёй зямлі (Быц 18:18; Лев 25:21; Пс 3:9; Высл 3:33; Іс 19:24; Дзеі 3:25; Гал 3:8)!!!

У самой Бібліі разбураецца міт, створаны бязбожнікамі аб тым, што палітыка – брудная справа, якой нельга займацца, бо інстытут улады створаны Богам - для служэньня народу: для абароны жыцьця, правоў, свабодаў і маёмасьці грамадзянаў, пакараньня сапраўдных злачынцаў і ўзнагароды сапраўдных праведнікаў (Быц 1:28; Друг 1:12-17, 7:49, 19:18-20, 27:15-26; 3Цар 2:3, 8:57-58; Пс 32:10-12; Мац 17:26, 24:14, 28:19-20; Ян 1:12; Дзеі 10:45, 11:1, 12:24; Рым 15:11; 1Пятр 2:13-14; 2Кар 3:17, 10:8; Адк 2:26).

Лепей напаўняць Беларусь малітвамі і праслаўленьнямі Бога, чым алькагалізмам, наркаманіяй, блудам, карупцыяй, фальсыфікацыямі і іншай хлусьнёй, абортамі, войскамі, зброяй, агрэсіяй з новымі пракляцьцямі і пакараньнямі на народ.

Прашу штодзённа маліцца за праблемы, прынесеныя Богу ў распрацаванай мной малітве. Яе можна надрукаваць на прынтары ў выглядзе брашуркі, або закачаць на мабільны тэлефон. Так сама можна закачаць і электронны варыянт Бібліі, каб мабільна і зручна вывучаць Слова Божае ў дарозе і ў царкве.

Тых, хто хоча паўдзельнічаць ва ўратаваньні сваіх народаў ад пракляцьцяў і пакараньняў, у пабудове грамадзтва па Божае мадэлі, далучайцеся да штодзённых малітваў і праслаўленьняў Бога, у стварэньні сайтаў з малітвамі з праблемамі сваіх рэгіёнаў па ўсёй зямлі на сваіх нацыянальных мовах. Бо мы – у адказе за зямлю, якую даў нам Бог ў валоданьне!

Патрэбна падтрымка для працы над гэтым сайтам і для распаўсюджваньня малітвы сярод насельніцтва, асабліва сярод веруючых і палітыкаў

Зьміцер Марчук, бацька 2 дзяцей, з 2 вышэйшымі адукацыямі па мэнэджмэнце прадпрыемства, у маркетынгавай, сацыяльнай і ў сьферы культуры. Абараніў 2 дыплёмы па-беларуску. Працаваў рабочым, інжэнэрам-канструктарам у канструктарскіх бюро, забяспячэнцам, мэнэджарам-маркетолягам у сьферы будоўлі і рэклямы. Былы старшыня суполкі Таварыства беларускай мовы - Фанклюбу аматараў творчасьці Данчыка, славутага беларускага сьпявака з ЗША. У праломіне за Бацькаўшчыну стаў яшчэ ад пачатку Гарбачоўскае Перабудовы: з 1989 года - ў шэрагах Талакі і Беларускага Народнага фронту, а пасьля ягонага расколу з 1996 года – у сацыял-дэмакратычнай партыі. У ёй я быў вымушаны змагацца супроць унутрыпартыйнае манархіі яе старшыні, які выганяў няўгодных яму членаў з партыі. Я расчараваўся ў партыях, бо ў іх такія ж манархіі, што і ў дзяржаве. Старшыні большасьці партыяў выступалі супроць 3 тэрміна кіраваньня дзяржаўнага манарха, а самі вылучаюць сябе і на 3, і на 4 тэрмін. Некаторыя гатовыя кіраваць пажыцьцёва і нават ставяць пытаньне адмены абмежаваньньняў тэрміну свайго кіраваньня ў статутах сваіх партыяў. Таму мне ўжо не хацелася больш быць ані ў якой партыі, і я ў 2006 годзе выйшаў з БСДП, як толькі нас, як баранаў, прывезьлі ў вёску Сеньніца галасаваць за новага партыйнага манарха… Тады ж я пачаў шукаць больш ідэальны лад кіраваньня, чым манархія. У Бібліі я знайшоў, што гэта – рада старэйшынаў. Але нажаль сучасная сістэма рэгістраціі партыяў на Беларусі не дазваляе зьмяніць у статутах партыяў пасаду старшыні на рады старэйшынаў (сустаршыняў) з правам прадстаўляць партыю па чарзе ў абмежаваныя тэрміны. Служкі дзяржаўнае манархіі проста не зарэгіструюць апазыцыйныя партыі наноў. Я па-сяброўску стаўлюся да Беларускай хрысьціянска-дэмакратычнай партыі, і я ніколі не перапыняў сяброўскіх зносінаў з маёй Кастрычніцкай раённай сталічнай суполкай БНФ, дзе мяне заўжды лічылі за свайго: я часта наведваў яе сходкі і мы разам займаліся палітычнай дзейнасьцю: хадзілі на мітынгі і дэманстрацыі, стаялі разам у пікетах, былі назіральнікамі на выбарчых участках і распаўсюджвалі інфармацыю сярод насельніцтва пад час так званых выбараў, разносілі ўлёткі па кватэрах і раскідвалі іх па паштовых скрынях, ня гледзячы на сьнег, дождж, і сьпякоту. Мы разам з Янам Грыбам, яе былым старшынём, былі пасаджаныя ў адзін пастарунак, калі нас арыштавалі пад час суду над прэм’ерам Чыгіром. Мы разам сьвяткавалі Дні Незалежнасьці, іншыя нацыянальныя сьвяты, хадзілі на канцэрты, ладзілі пікнікі на прыродзе, навасельлі, адзначалі дні нараджэньні сябраў партыі. Я ўдзельнічаў у дзьвух намётавых гарадках у Менску: першы быў - на пачатку Перабудовы на плошчы Леніна – каб камуністы вярнулі адабраную зямлю сялянам, другі - ў 2006 годзе на Кастрычніцкай плошчы – каб служкі манархіі адмянілі сфальсыфікаваныя вынікі выбараў. Удзельнічаў у начной вахце і пасьце-галадоўцы за вяртаньне адабранага дзяржавай будынку царквы “Новае жыцьцё”. Удзельнік руху і многіх мітынгаў за дэмакратыю, нацыянальныя, рэлігійныя і грамадзянскія правы, за што некалькі разоў быў пакараны служкамі дыктатуры судамі і тройчым пазбаўленьнем волі на 5, 3 і 10 сутак. Быў пастаянным назіральнікам за выбарамі і фіксаваў фальсіфікацыі выбараў і рэферэндумаў. У 1998 годзе зразумеў, што бяз Бога цяжка змагацца са сваймі і грахамі грамадзтва, з паганьскімі манархіямі, а таму тады ж пакаіўся ў грахох і прыняў Хрыста Госпадам з водным хрышчэньнем, стаўшы грамадзянінам Царства Хрыста. Вывучаючы Біблію і пасьпяховае разьвіцьцё па Слову Боскаму краінаў Захаду і Беларусі ў часы Рэфармацыі, вырашыў ствараць менавіта тэалягічнае дэмакратычнае грамадзтва.

Вашыя пажаданьні, прапановы, хрысьціянскія і прароцкія вершы, гімны і пропаведзі дасылайце на адрас: Patryiot@gmail.com